या संस्थेची स्थापना २००१ मध्ये सामाजिक बांधिलकीच्या भावनेतून झाली. प्राथमिक शिक्षकांनी संवेदनशीलतेचा विचार करून आणि सामाजिक परिवर्तनाची प्रेरणा घेऊन ही संस्था सुरू केली. ज्ञान, सेवा आणि प्रबोधन या त्रिसुत्रीवर विद्यार्थ्यांचा, पालकांचा आणि शिक्षकांचा विकास हा मुख्य उद्देश होता. गेल्या २३ वर्षांपासून संस्था उपलब्ध कार्यकर्ते, आर्थिक मदत आणि परिस्थितीचा विचार करून कार्यरत आहे.
समाजातील चांगुलपणा ओळखून त्याचे कौतुक करण्याची संधी व्यासपीठ नेहमीच शोधत असते. दुर्गम डोंगराळ भागातील विद्यार्थ्यांच्या विकासासाठी शैक्षणिक व्यासपीठ स्वयंस्फूर्तीने कार्यरत आहे. समाजातील दानशूर दाते आणि गरजू विद्यार्थ्यांमध्ये मदतीचा संबंध निर्माण करून विश्वासार्ह कार्य करण्याची संधी संस्थेच्या माध्यमातून उपलब्ध झाली आहे. ग्रामीण भागात कार्यरत असूनही, संस्थेने आत्तापर्यंत दीड कोटीपेक्षा अधिक मदत विविध माध्यमांद्वारे समाजातील अनेक गरजू स्तरांपर्यंत पोहोचवण्यात यश मिळवले आहे. आदरणीय इंद्रजित देशमुखसाहेब यांच्या प्रेरणेमुळे संस्थेचे कार्य सुरू आहे.